Lede van Azapo sal vandag samesprekings voer met Venezuela se ambassadeur in Suid-Afrika, Carlos Feo Acevedo. Die ontmoeting volg nadat die organisasie openlik steun uitgespreek het vir Venezuela ná wat hy beskryf as die Verenigde State se ontvoering van president Nicolás Maduro en sy vrou, Cilia Flores.
Azapo het intussen ’n beroep gedoen op internasionale geregtigheid en FIFA versoek om die VSA uit internasionale sokkerkompetisies te skors. Die party se leier, Nelvis Qekema, sal aan die hoof staan van die afvaardiging wat aan die bilaterale vergadering deelneem.
Terselfdertyd word daar beplan dat Azapo-lede buite die Venezolaanse ambassade sal betoog teen wat hulle beskryf as die Amerikaanse president Donald Trump se onderdrukkende en misbruikende optrede.